Install the application:
1) Open the website in Safari
2) Click save
3) Add to home screen
Мәзір
«Қазақстан Инжиниринг» ҰК» АҚ Қоғамдық кеңесінің мүшелері елорданың қорғаныс кәсіпорындарын аралады

Компанияның Қоғамдық кеңесінің қызметі шеңберінде «Қазақстан Инжиниринг» ҰК» АҚ құрамына кіретін елорданың қорғаныс кәсіпорындары: «Қазақстандық авиациялық индустрия» ЖШС, «Еврокоптер Қазақстан Инжиниринг» ЖШС, «Қазақстан Aselsan Инжиниринг» ЖШС бойынша таныстыру экскурсиясы өткізілді. Делегация құрамында Қоғамдық кеңестің төрағасы Әлиев Ерлан Жеңісұлы, «Нұр-Сұлтан қаласын дамыту жобаларын үйлестіру және сараптау орталығы» ЖШС жобаларды үйлестіру бөлімінің бас менеджері Асқаров Әлібек Асланұлы, ҚР Жиһаз және ағаш өңдеу өнеркәсібі қауымдастығының президенті Ибраев Қанат Сұлтанұлы, Зейнеткер, машина жасау ардагері, «Құрметті машина жасаушы» белгісінің, «Құрмет» орденінің иегері Құсайынов Қайырбек Құсайынұлы, сондай-ақ «ZTown Development» ЖШС директоры Райымқұлов Әділжан Райымжанұлы қатысты.

Кәсіпорындарға барудың мақсаты кәсіпорындардың ағымдағы қызметімен танысу, сондай-ақ Компанияның әлеуметтік маңызды проблемаларын анықтау болып табылады. Өндірісті оқшаулау, сондай-ақ шығарылатын өнімдегі жергілікті қамту үлесі мәселелеріне көп көңіл бөлінді. Талқылаудың маңызды тақырыптары қызметкерлердің әлеуметтік-экономикалық еңбек жағдайлары, кәсіпорындардың материалдық-техникалық жағдайы, сондай-ақ перспективалық бағыттар мен жобалар болды.

Бүгінгі күні Қоғамдық кеңестің жұмысы барысында Стратегия және жекешелендіру мәселелері жөніндегі; перспективалық даму, ҒЗТКЖ, жаңа бағыттар мәселелері жөніндегі; әлеуметтік-құқықтық қызмет мәселелері жөніндегі комиссияға әлеуметтік-құқықтық қызмет мәселелері жөніндегі; сондай-ақ Қаржы-шаруашылық қызмет мәселелері жөніндегі комиссиялар бекітілді.

Қоғамдық кеңес азаматтық қоғамның мүдделерін білдіреді және республикалық және жергілікті деңгейлерде шешімдерді талқылау мен қабылдау кезінде жұртшылықтың пікірін ескереді, сондай-ақ қоғамдық бақылауды және Компания қызметінің ашықтығын қамтамасыз етеді. «Қазақстан Инжиниринг» ҰК» АҚ Қоғамдық кеңесінің құрамы ағымдағы жылы жаңартылды. Компания басшылығы жұмысының және қоғамдық кеңес қызметінің негізгі қағидаттары мемлекет мүддесіндегі отандық өнеркәсіптің игілігі үшін жұмыс болып табылады.

Кері қайту