Әлеуметтік желілерде таратылатын Семейдегі зауыт басшысының «шкафтағы кабинеті» туралы бейнероликті «Қазақстан Инжиниринг» ҰК» АҚ басшылығы 2022 жылғы 20 қазанда жұмыс іссапары және «Семей машина жасау зауыты» АҚ ұжымымен кездесу барысында түсірді.

Ағымдағы жылдың ақпан айынан бастап сот шешімі бойынша зауытқа қатысты банкроттық туралы заңнамаға сәйкес оңалту рәсімі қолданылды. Зауытты оңалту менеджері мен несие берушілер жиналысы басқарады (20-дан астам несие беруші).

Кәсіпорынның шығынды қызметіне, 2015 жылдан бері жинақталған 3 млрд. теңгеден астам кредиторлық берешегіне байланысты 5 айдан бері төленбеген жалақы бойынша жұмысшылар алдында борыш пайда болды, бұл «СМЗ» АҚ ұжымының әлеуметтік наразылығын тудырды. Кәсіпорын ұжымы 100 адамды құрайды, оның жартысы өндірістік персонал. Зауыт жартылай вагондарға арналған люк қақпақтарын шығарады.

Ағымдағы жылдың қаңтар, сәуір, маусым айларында кәсіпорын қызметкерлеріне жалақы төлеу мақсатында қаржылық көмек көрсетілді. Оңалту жоспары болғанына қарамастан, оңалту менеджері жұмысшыларға жалақы төлемеген. Қосымша 40 млн теңге қазан айында «Қазақстан Инжиниринг» және Абай облысының әкімдігімен өндірістік персоналдың жалақысына бөлінді.

2014 жылы зауытта «МАЗ автомобильдерінің құрастыру өндірісін құру» жобасы қолға алынуы керек болды. Жоспарланған инвестициялардың жалпы сомасы 1 491 млн. теңгені құрады, оның ішінде 672,29 млн.теңгеге транш аударылды. Жоба бойынша қаражатты ЖСҚ әзірлеуге, темір жолдарды қалпына келтіруге, өндіріс үшін негізгі құралдарды сатып алуға, сондай-ақ құрылыс-монтаждау жұмыстарына бағыттау жоспарланған болатын. Бұл ретте, бірінші транш шеңберінде МАЗ инвестициялық жобасын іске асыруға бөлінген ақшалай қаражаттың 76%-ы қолданыстағы АБК ғимараты болған жағдайда жаңа әкімшілік блоктың құрылысына жұмсалды. Өндіріс басталған жоқ.

Жоғарыда көрсетілген бейнеде көрсетілген бұрынғы директордың кабинеті осы қаражат есебінен салынған әкімшілік блокта орналасқан. «СМЗ» АҚ басшылығы ақшалай қаражатты орынсыз жұмсауға жол беріп, оларды зауыттың жұмыс істеуі үшін өндірістік базаны жаңартуға емес, кәсіпорынның басқарушы менеджменті үшін ыңғайлы кеңсе салуға бағыттағаны анық.

Кредиторлардың шешімі бойынша 25 қазаннан бастап аудиторлық тексеру басталады, содан кейін материалдар сыбайлас жемқорлыққа қарсы іс-қимыл аггентігіне жіберіледі.

Бұған дейін ШҚО бойынша ТДМ қозғаған қылмыстық іс шеңберінде «СМЗ» АҚ директорының бірінші орынбасары К.Р. Сүлейменов аса ірі мөлшерде (600 млн. теңгеден астам) бюджет қаражатын ұрлағаны үшін 7 жыл мерзімге бас бостандығынан айыруға үкім шығарған болатын.

Жалақы, салықтар және коммуналдық төлемдер бойынша берешек 743,7 млн. теңгені құрайды.

2020 жылдан 2022 жылға дейін өзінің 26,5 млрд теңгелік қарызына қарамастан, «Қазақстан Инжиниринг» қызметкерлерге жалақы бойынша берешекті өтеуге «СМЗ» АҚ-ға қаржылық көмек берді.

2022 жылғы 11 қазанда «СМЗ» ақ кредиторлар жиналысының мүшелерімен келіссөздер жүргізілді, оның қорытындысы бойынша кредиторлар жиналысы оңалту жоспарының орындалуына мониторинг жүргізу және зауыттың банкроттығына жол бермеу мақсатында «СМЗ» АҚ ағымдағы қаржы-шаруашылық қызметіне аудит жүргізу туралы шешім қабылдады. Кредиторлар жиналысына «Қазақстан Инжиниринг» ішкі аудит қызметі көмек көрсетеді.

Анықтама:

1969 жылы негізі қаланған "Семей машина жасау зауыты" АҚ ҚазКСР-дың негізгі машина жасау зауыттарының бірі болды және теміржол саласына арналған шынжыр табанды техника мен өнім өндірумен айналысты.

Соңғы жылдары көптеген құзыреттер жоғалды, жаңа жобалар дамымады , кәсіпорынның жалғыз өнімі-жартылай вагондардың люк қақпақтары.

"Семей машина жасау зауыты" АҚ қызметіндегі проблемалар 2014 жылдан бері аталып келеді. 2015 жылдан бастап кәсіпорын шығындардың тұрақты өсуін тіркейді-жинақталған шығын шамамен 1,9 млрд.теңгені құрайды.

Ағымдағы жылы жартылай вагондардың люк қақпақтарына 800 млн.теңгеге тапсырыстарды қамтамасыз етуге мүмкіндік туды. Түсімдер кәсіпорын қызметкерлеріне еңбекақы төлеу бойынша шығыстарды жабуға тиіс болды (шамамен 100 адам) – еңбекақы төлеу қоры айына 20 млн.теңгені құрайды.

Ағымдағы жылдың маусым айынан бастап " Қазақстан Инжиниринг "барлық жауапты органдарға, сот, жергілікті атқарушы және құқық қорғау органдарын қоса алғанда, кредиторларға ағымдағы жағдайға алып келген өткен жылдардағы" СМЗ " АҚ Қаржы-шаруашылық қызметін тексеру қажеттілігі туралы жүгінеді.