Мемлекет басшысы Қазақстан халқына жыл сайынғы Жолдауында дене шынықтыру мен бұқаралық спортты дамытудың маңыздылығын атап өтті. «Денсаулық кепілі – дене тәрбиесі. Бұқаралық спортпен, балалар спортымен айналысу үшін барлық жағдайды жасау қажет екенін тағы да айтамын», – деді Қасым-Жомарт Тоқаев.

Ұжымда салауатты атмосфераны қалыптастыру және салауатты қоғамды құру «811 КИ автомобиль жөндеу зауыты» АҚ (бұдан әрі – Қоғам) кадрлық және әлеуметтік саясатының негізгі басымдықтары болып табылады. Компания басшылығы бұқаралық спортты насихаттауды, сондай-ақ корпоративтік рух пен корпоративтік құндылықтарды нығайтуға бағытталған бастамаларды қолдайды.

Осыған орай, 2022 жылдың 19 наурызында Наурыз мейрамын тойлауға орайластырылған жаппай флешмоб – компания қызметкерлері үшін 3 шақырымдық жүгіріс өтті. Наурыз ежелден халықтық мерекелерге, ойын-сауық пен спорттық жарыстарға толы бұқаралық мереке болып саналған.