Құрметті достар!

20 сәуірде "ҚИ 811 автожөндеу зауыты" АҚ-ға облыс әкімінің орынбасары Рамазанов Ердос Мұрат-ұлының басшылығымен Ақмола облысы Әкімдігінің делегациясы келді.

Сапар барысында кәсіпорынның өндірістік қуаттылығы мен шығарылатын өнімнің техникалық мүмкіндіктері қаралды. Бас директор зауытты дамыту жөніндегі Орта мерзімді жоспарлар, сондай-ақ өндірісті әртараптандыру бойынша жүргізіліп жатқан жұмыстар туралы толық ақпарат берді.

Сапар қорытындысы бойынша облыс әкімінің орынбасары атқарылып жатқан жұмыстарға жоғары баға беріп, "АТАМЕКЕН" ҰКП облыстық филиалына біздің кәсіпорынды дамыту мақсатында қолдау көрсету және өзара іс-қимылды кеңейту туралы бірқатар тапсырмалар берді.