14 тамызда Абай күніне орай «Қазақстан инжиниринг» ҰК» АҚ-та ұлы ақынның шығармашылығы тақырыбындағы әңгімелесу клубының кезекті кездесуі өтті.

Қызметкерлер Абай шығармаларының негізгі тақырыптарын, олардың проблематикасы мен қоғамға әсерін талқылады. Сонымен қатар, ақын өлеңдерінің үзінділері қарастырылып, қызметкерлердің пайымдаулары ортаға салынды. Абай шығармашылығының философиялық аспектілеріне, оның адамгершілік, әділдік және адами құндылықтар туралы ойларына ерекше назар аударылды.

Клуб қатысушылары Абай шығармаларының заманауи контекстегі өзектілігін және олардың Қазақстанның мәдени дамуына әсерін қарастырды. Осындай сипаттағы кездесулер ұлы ақынның мұрасын терең түсінуге ықпал етеді.