9 мамыр - мақтанышқа, мұңға және жеңімпаздар ұрпақтарының ерлігіне терең құрметке толы ерекше күн. Қазақстандықтар Ұлы Жеңіске баға жетпес үлес қосты: 1,2 миллионнан астам адам майданға шақырылды, жүздеген мың адам тылда қалып, зауыттарда, фермаларда, ауруханаларда тәулік бойы – ортақ мақсат, бейбітшілік үшін еңбек етті. Жеңіс күні тек еске алу құрметі ғана емес, сонымен бірге тарих алдындағы, болашақ ұрпақтың бейбіт өмір сүру құқығы үшін күрескендер алдында жауапкершілігімізді еске салу болып табылады.

Соғыс жылдарында фашизмді жеңуде шешуші рөл атқаруы тиіс ондаған өнеркәсіп орындары Қазақстанға көшірілді. Жеңіс күні «Қазақстан инжиниринг» компаниялар тобында ерекше байланыспен сақталынып келеді. Холдингтің зауыттары соғыстан кейінгі индустрияландыру жүріп жатқан жылдары құрылған, ал олардың кейбіреулері соғыстың басында жұмыс істеп тұрған. Әрине, өткен 80 жылда бұл зауыттар адам танымастай өзгерді, бірақ тарихқа қосқан үлесі ешқашан өшпейді.

Кәсіпорындарда соғысты басынан өткізгендер, өнеркәсіпті нөлден көтеріп, өз тәжірибелерін инженерлердің, жұмысшылардың, технологтардың жаңа буындарына тапсырғандар жұмыс істеді. Біздің зауыттарда әлі күнге дейін еңбек ардагерлері, майдангерлердің балалары, ұлы ерлікті есте сақтайтын ұрпақтардың жұмыс істейтініне мақтанамыз.

Осылайша, «С.М.Киров атындағы зауыт» АҚ кәсіпорын тарихының бір бөлігі болған майдангерлер мен еңбек ардагерлерінің тағдыры мен жетістіктерін аса ерекше құрметпен еске алады. Олардың қатарында Кеңес Армиясы старшинасы, Ұлы Отан соғысына қатысушы, 1-дәрежелі Отан соғысы, Қызыл Жұлдыз ордендерімен, сондай-ақ «Ерлігі үшін» медалімен марапатталған Мұстаев Әдіп Шәріпұлы бар. Соғыстан кейін зауытта ондаған жыл еңбек етіп, Еңбек Қызыл Ту орденімен марапатталған. Нестеров Кузьма Михайлович, қатардағы гвардия 3-Украина майданында соғысқа қатысып, Жеңістен кейін 1951 жылдан бастап саналы ғұмырын кәсіпорында еңбек етуге арнап, қорғаныс өнеркәсібінің дамуына зор үлес қосты.

Әйелдер арасында кәсіпорын жұмысшылары кіші сержант, мерген Мария Иосифовна Шишкина-Пискареваны мақтанышпен атап өтеді. Ол Карел, I Украин және III Беларусь майдандарында шайқастарды бастан өткерді. Соғыс аяқталғаннан кейін зауытта ұзақ жылдар еңбек етіп, тәжірибесі мен білімін жас қызметкерлерге үйретіп, бейбіт уақытта да туған еліне адал қызметін жалғастырды.

«Зенит Орал зауыты» акционерлік қоғамы қызметкерлерінің еңбек ерлігі зор екенін де атап өту қажет. Отанға деген адалдық пен сүйіспеншіліктің жарқын үлгісі – кәсіпорынның дамуына лайықты үлес қосқан Ұлы Отан соғысының ардагері Анна Эдуардовна Букина. Онымен бірге 30-дан астам иық тіресе еңбек етті, олардың соғыс жылдарындағы тынымсыз еңбегі өндірістің тұрақты жұмысын қамтамасыз етіп, Жеңістің ортақ ісіне үлес қосты. Олардың жұмысы зауыт тарихының маңызды бөлігіне, табандылық пен адалдықтың символына айналды.

«Гидроприбор» ғылыми-зерттеу институты» АҚ Ұлы Отан соғысы Жеңісінің 70 жылдығына арналған мерейтойлық медальмен марапатталған Лидия Петровна Горбаневаны еске алады.

Лидия Петровна 7 жасқа толмаған кезде Ұлы Отан соғысы басталды. Соғыстың ауыр сынақтарынан өтті, аштықты көрді, майданнан әкесі оралмады. Оның тағдыры – қайсарлық пен Отанға деген сүйіспеншіліктің жарқын үлгісі.

«Жеңіс жолы қиын да ауыр болды, өйткені біз оған орасан құрбандықтардың құны арқылы жеттік. Жеңістің бағасы - басымыздан қиын өмір сүру жағдайы, ауыр еңбек, аштық, жақындардан, денсаулықтан айырылу, оқу мүмкіндігінің болмауы арқылы болды. Біздің батыл, қайсар халқымыздың жанқиярлық еңбегі бүгінгі жас ұрпақ үшін сөзсіз тамаша үлгі», - дейді Лидия Петровна.

Біз бүгінде алдыңғы буындарымыздың жұмысын жалғастырудамыз, еліміздің машина жасау саласын дамытып, Қазақстанның индустриялық әлеуетін нығайтып жатырмыз. Біз Жеңісті жақындатқандардың бәрін құрметтейміз және алғыс айтамыз.

Батырларымыздың батылдығы мен қайсарлығы тәуелсіз әрі қуатты еліміздің болашағы үшін жаңа жетістіктерге шабыттандырсын.