Install the application:
1) Open the website in Safari
2) Click save
3) Add to home screen
Мәзір
АТЫРАУДА МҰНАЙ-ГАЗ САЛАСЫ ҮШІН МАШИНА ЖАСАУДЫ ДАМЫТУ ТАЛҚЫЛАНДЫ

2019 жылғы 20 қыркүйекте Атырау қаласында Қазақстанның ірі мұнай-газ жобаларының операторлары: Теңізшевройл (ТШО), Норт Каспиан Оперейтинг Компани (НКОК) және Қарашығанақ Петролеум Оперейтинг (КПО) қатысуымен «Бірегей жабдықтар өндірісін оқшаулау» (OEM) атты дөңгелек үстел өтті.

Іс-шара Қазақстан Республикасы Энергетика министрлігі мен «PSA» ЖШС қолдауымен отандық машина жасаушылардың «үлкен үштіктің» сатып алуларына қатысуын кеңейту және тиісінше қазақстандық мұнай-газ машиналарын жасауды дамыту мақсатында өткізілді.

«Қазақстан инжиниринг» ҰК» АҚ делегациясын басқарма төрағасының орынбасары Р.Асансеитов бастап барды.

Компанияның өкілдері, оның ішінде ПЗТМ, KAE, КАИ, OEM-өндірушілермен (Schneider Electric, General Electric, Honeywell, Baker Hughes және т.б.) тікелей келіссөздер барысында «Қазақстан инжиниринг» ҰК» АҚ қолда бар және перспективалы мүмкіндіктерін таныстырды.

Ынтымақтастықты орнату жөніндегі жұмыс жалғастырылатын болады.

Кері қайту