«Қазақстан инжиниринг» ҰК» АҚ шетел елдердің әскери-дипломатиялық корпус өкілдерімен іскерлік кездесулер өткізуді жалғастыруда. Корея Республикасы Елшілігінің әскери атташесі Сон Дэгук жұмыс сапарымен келді.

Кездесу барысында тараптар Оңтүстік Кореяның қорғаныс-өндірістік кешенімен әскери-техникалық ынтымақтастықты дамыту перспективаларын талқылады. Сонымен қатар, радиоэлектроника, smart технологиялар, электронды өнеркәсіп, сондай-ақ, біздің кәсіпорындардағы технологиялық жабдықтарды жаңарту саласындағы, азаматтық өнімдерді шығару саласындағы әлеуетті ынтымақтастыққа қатысты бірқатар мәселелер көтерілді.