Компанияның кеңсесінде Ресей Федерациясының Қазақстандағы сауда өкілі Максим Кочетковпен жұмыс кездесуі өтті.

Сапар аясында бірқатар қолданыстағы, сондай-ақ жоспарланған және перспективалық жобалар бойынша өзара тиімді ынтымақтастық мүмкіндіктері талқыланды. Ресейлік нарық біз үшін үлкен қызығушылық тудыратыны сөзсіз, ал азаматтық өндіріс саласында тәжірибе мен технологиялар алмасу жоғары нәтижелерге қол жеткізуге және өндірістегі қазақстандық қамту үлесін арттыруға мүмкіндік береді. Біздің еншілес кәсіпорындарымыз "СМЗ" АҚ, "Тыныс" АҚ, "Мұнаймаш" АҚ, "ПАМЗ" АҚ қазірдің өзінде ресейлік компаниялар үшін қызығушылық тудыратын өнімді ұсына алады.

Сонымен қатар, Ресей Федерациясымен ынтымақтастық бізге өнеркәсіп пен машина жасау саласындағы қолданыстағы мемлекеттік қолдау шараларын пайдалануға мүмкіндік ашады. Кездесу жемісті болды және тараптар әрі қарай жүйелі және тұрақты жұмыс жасауға келісті.