2026 жылғы 18 наурызда Қазақстан Республикасы Мәдениет және ақпарат министрлігі «Жаңартылған Конституция: ел дамуының жаңа мүмкіндіктері» тақырыбында онлайн-форматта (Zoom) диалог алаңын ұйымдастырды.

Іс-шараға мемлекеттік органдардың, оның ішінде Қазақстан Республикасы Ішкі істер министрлігінің, Қазақстан Республикасы Қаржы министрлігінің, Қазақстан Республикасы Ұлттық экономика министрлігінің, сондай-ақ басқа да орталық мемлекеттік органдардың өкілдері қатысты.

Сонымен қатар, диалог алаңының жұмысына «Қазақстан инжиниринг «ҰК» АҚ, «Бәйтерек «ҰБХ» АҚ, «Самұрық-Қазына «ҰӘҚ» АҚ және басқа да ұлттық компанияларды қоса алғанда, квазимемлекеттік сектордың өкілдері қатысты.

Кездесу барысында елді дамытуға, мемлекеттік басқарудың тиімділігін арттыруға және азаматтық қоғаммен өзара іс-қимылды нығайтуға бағытталған конституциялық реформаларды іске асырудың негізгі бағыттары қаралды.

Іс-шаралар қорытындысы бойынша қатысушылар пікір алмасудың және мемлекеттік бастамаларды іске асырудың бірлескен тәсілдерін әзірлеудің тиімді құралы ретінде диалог алаңдарының маңыздылығын атап өтті.