Депутаттар Қазақстан кәсіпорындарының әскери-ғылыми қызметімен танысып шықты. Халықаралық істер, қорғаныс және қауіпсіздік комитетінің өкілдерін ғылыми өндірістерге қатысты бірқатар мәселелер қызықтырды.
«Қазақстан инжиниринг» R&D орталығы» ЖШС өз өнімдерін Ұлттық Қорғаныс Университетінде өткен көрмеде ұсынды. Ұсынылған өнімдер арасында зауыттың технологиялық жаңалықтары, соның ішінде «Шағала-М», «Jetisu» көпфункционалды автономды пилотсыз жер үсті аппараты, «Қаракус» квадрокоптері және басқа да өнім түрлері болды.
Депутаттар кәсіпорын қойған өнімдерді қарап, оның заманауи технологиялық әзірлемелер саласындағы қызметін жоғары бағалады.