«Жекешелендірудің 2016-2020 жылдарға арналған кейбір мәселелері туралы» Қазақстан Республикасы Үкіметінің 2015 жылғы 30 желтоқсандағы қаулысымен «832 автожөндеу зауыты ҚИ» АҚ-тың 100% акцияларын бәсекелестік ортаға беру көзделген болатын.

Уәкілетті органдар акцияларды сату тәсілі электрондық аукцион болатынын айқындады.

Акцияларды өткізу «Самұрық-Қазына» ҰӘҚ» АҚ активтерін сатудың бірыңғай қағидаларына және мемлекеттік мүлік тізілімінің веб-порталында мүлікті сату бойынша электрондық сауда-саттықты өткізу регламентіне сәйкес жүргізілді.

Сауда-саттық 2015 жылдың қаңтарынан 2017 жылдың қаңтарына дейін өткізілді және акциялар 6 сауда-саттықта сатылды. Барлық алдыңғы сауда-саттықтар қатысушылардың болмауына байланысты өткізілмеген деп танылды.

2017 жылғы 26 қаңтарда өткізілген сауда-саттық нәтижелері бойынша «832 автожөндеу зауыты ҚИ» АҚ акциялары электрондық аукцион жеңімпазына сатылды.

2017 жылғы 2 ақпанда акцияларды сатып алу-сату шарты жасалды.

Акцияларды сатқаннан кейін Компания енді «832 автожөндеу зауыты ҚИ» АҚ акционері болып табылмады және оны басқаруға қатыспады.

«Азаматтарға арналған үкімет» МК» КЕАҚ деректеріне сәйкес, 2022 жылғы 6 мамырда «832 автожөндеу зауыты ҚИ» АҚ қызметін тоқтату (тарату) тіркелді.

БАҚ өкілдерін, қоғамдық топтар мен блогерлерді ақпаратты жарияламас бұрын оны тексеруге және барлық тараптардың ұстанымын нақтылауға шақырамыз. Компания басшылығы жалған ақпарат тарататын адамдарға қатысты өзінің іскерлік беделін қорғау үшін сотқа жүгіну құқығын өзіне қалдырады.

Барлық сұрақтар бойынша «Қазақстан инжинирингке» ke@ke.kz электрондық поштасы арқылы хабарласуыңызды сұраймыз.