«Қазақстан инжиниринг» ҰК» АҚ өкілдері Ұлттық кәсіпкерлер палатасының алаңында ұйымдастырылған ҰҰА бойынша дөңгелек үстелге қатысты. Іс-шара Қазақстандағы дрондар нарығын дамытудың ағымдағы мәселелері мен перспективаларын талқылауға арналды. Дөңгелек үстелге бизнес-қоғамдастықтың, ғылыми ұйымдардың және уәкілетті органдардың өкілдері қатысты.

Қатысушылар ҰҰА саласындағы жұмыстарды дамыту және қолдау, ұшу аппараттарын пайдалану және қызмет көрсету үшін қажетті инфрақұрылым құру, сондай-ақ ғылыми әзірлемелер арқылы өз құзыреттерін дамыту мәселелерін талқылады.

Сонымен қатар, ұшқышсыз авиациялық жүйелерді басқаруға және деректерді өңдеуге ғана емес, сонымен қатар өздерінің инженерлік шешімдерін жасауға қабілетті мамандарды даярлауға ерекше назар аударылды. Жастар арасында дрон операторларын оқыту бойынша ұсынысқа басты назар аударылды. Айта кетсек, білікті мамандарды даярлау ұшқышсыз авиацияны дамытудың негізгі аспектісі болып табылады.