23 маусымда Полиция күніне орай «ПЗТМ» АҚ қызметкерлері Иван Демин мен Антон Полуян СҚО полиция департаментінің алғыс хаттарымен марапатталды.
Су тасқыны кезінде кәсіпорын қызметкерлері зардап шеккен аудандардағы адамдарды іздеп табу және эвакуациялау үшін, сондай-ақ өзен арнасының өзгеруін зерттеу үшін ұшқышсыз ұшу аппараттарын қолдана отырып,іздеу-құтқару жұмыстарына белсенді қатысты.
«Қазақстан инжиниринг» ҰК» АҚ ҰҰА басқару саласындағы құзыреттіліктің жоғары деңгейін ғана емес, сондай-ақ қауіпсіздікті қамтамасыз етуге және төтенше жағдайларда халыққа көмек көрсетуге елеулі үлес қосқан зауыт қызметкерлерінің кәсібилігі мен жанқиярлығын жоғары бағалайды.
