«Қазақстан инжиниринг» ҰК» АҚ келесі активтер бойынша ашық екі кезеңдік конкурс өтетінін хабарлайды:

«Семей машина жасау зауыты» АҚ-ның 51% жай акциясы, бастапқы құны – 1 217 642 595 теңге;

«Тыныс» АҚ-ның 51% жай акциясы, бастапқы құны – 3 817 457 355 теңге;

«Қазақстан авиациялық индустриясы» ЖШС-нің 50% қатысу үлесі, бастапқы құны – 4 785 743 000 теңге.

Конкурстық құжаттамамен және ашық екі кезеңдік конкурстың хабарламасымен «Қазақстан инжиниринг» ҰК» АҚ веб-порталында (www.ke.kz) танысуға болады.

Ашық екі кезеңдік конкурсқа өтінімдерді қабылдау 2018 жылдың 16 наурызында басталып, сәуірдің 30-ы Астана уақытымен сағат 12.00-де аяқталады.

Конкурс «Самұрық-Қазына» АҚ және дауыс беру акцияларының елу пайыздан астамы тікелей немесе жанама түрде «Самұрық-Қазына» АҚ-на меншік ретінде тиесілі болған ұйымдардың «Самұрық-Қазына» АҚ Директорлар кеңесінің шешімімен бекітілген активтерін сату және қайта құрылымдаудың бірыңғай ережелері мен «Қазақстан инжиниринг» ҰК» АҚ Басқармасы бекіткен конкурстық құжаттамаларға сәйкес жүргізіледі.