Қазақстанда мемлекеттік қорғаныс тапсырысын жүзеге асыру тетігін жетілдіру болжануда. Кеңес қатысушылары - Қазақстанның өңірлерінен келген отандық тауар өндірушілер Астанада МҚТ орындау және орналастыру,  қалыптастыру шарттары, заттай мүліктің жеткізушілерін анықтау тәсілдерін  талқылады.

«Қазақстан инжиниринг» ҰК» АҚ басшылығы атап өткендей, мемлекеттік қорғаныс тапсырысын орындау бойынша оператор бола отырып,  Ұлттық  компания жеңіл өнеркәсіп кәсіпорындарының бастамаларына иек артып отыр. Компания түскен ұсыныстарды жинап және талдап, кейін оларды тиісті уәкілетті органдарға жолдайды.

Қазақстанның жеңіл өнеркәсіп қауымдастығы бұл мәселелерді пысықтауға дайын –деп, хабарлады оның басшысы Любовь Худова. Бұл ретте, отандық кәсіпорындарға салауатты бәсекелестікті дамыту үшін жағдай жасауы қажет екендігін атап өтті. 

Өз кезегінде, Қазақстанның жеңіл өнеркәсіп өнімдерін өндірушілер одағының президенті Сәуле Шауенова заттай мүлік өнімін берушілерінің түрлі инвестициялық жобаларды, өндірістің техникалық жаңғыртуын жүзеге асыратындығы туралы әңгімелеп берді.

Жеңіл өнеркәсіп кәсіпорындарын қолдау туралы өз тілектерін Атамекен Ұлттық кәсіпкерлер палатасының өкілдері білдірді.

Қазақстан Республикасы Қорғаныс және аэроғарыш өнеркәсібі министрлігінің  қамқорлығымен  ұйымдастырылған іс-шараға, сондай-ақ бейінді ведомствоның өкілдеріде қатысты.

«Қазақстан инжиниринг» ҰК» АҚ баспасөз қызметі