ҚР-да машина жасауды дамыту жөніндегі 2010-2014 жылдарға арналған бағдарлама

Машина жасау бүкіл әлемде ұлттық өнеркәсіптің технологиялық деңгейінің көрсеткіші ретінде қабылданады. Бұл сала аралас салаларды дамыту үшін мультипликативтік әсер береді, халықтың жұмыспен қамтылуын бірнеше рет арттырады және сол арқылы тұтастай алғанда экономиканың бәсекеге қабілеттілігін қамтамасыз етеді.

Демек, Қазақстан экономикасының өсуі машина жасаудың озық өсуімен сүйемелденуі тиіс. Бұл өнеркәсіп кәсіпорындарында механизация деңгейін арттыруға және республика экономикасының салаларында еңбек өнімділігін арттыруға мүмкіндік береді.

Қазақстан Республикасы Үкіметінің 2010 жылғы 14 сәуірдегі № 302 Қаулысымен бекітілген Қазақстан Республикасын үдемелі индустриялық-инновациялық дамыту жөніндегі 2010 - 2014 жылдарға арналған мемлекеттік бағдарламаны (бұдан әрі-ҮИИДМБ) іске асыру жөніндегі Қазақстан Республикасы Үкіметінің іс-шаралар жоспарының 5-тармағы Қазақстан Республикасында машина жасауды дамыту жөніндегі 2010-2014 жылдарға арналған Бағдарламаны әзірлеу үшін негіз болып табылады.

Бағдарлама жұмыс істеп тұрған кәсіпорындарды жоғары технологиялық және қазіргі заманғы жабдықтармен жаңғыртуға, жұмыс істеп тұрған барлық отандық машина жасау кәсіпорындарының байланыстарын дамыту және кооперациялау үшін халықаралық стандарттың бәсекеге қабілетті өнімдерін шығару жөніндегі жаңа кәсіпорындарды құруға бағытталған.

Бағдарламаны:

• жүргізілген маркетингтік зерттеулер негізінде айқындалған бәсекеге қабілетті өнімді шығаруға, оны өндіру көлемін ұлғайтуға және тұрақты өткізу нарықтарын табуға бағытталған жаңа сапалы деңгейде саланы қалпына келтіруді және дамытуды бастауға арналған бағдарлама;
• қайта жаңарту, жаңғырту, техникалық қайта жарақтандыру және кәсіпорындардың озық шетелдік өндіріс технологияларын және басқару менеджментін енгізу есебінен жұмыс істеп тұрған машина жасау кәсіпорындарын жедел дамыту бағдарламасы;
• машиналар, технологиялар мен жабдықтардың жаңа түрлерін жасауға бағытталған неғұрлым тиімді, ғылыми-техникалық және технологиялық әзірлемелерді игеру негізінде өнімнің сапасын тұрақты жетілдіру бағдарламасы .

Дерек көзі: http://miid.gov.kz