2019 жылдың 27 қыркүйегінде «Қазақстан инжиниринг» ҰК» АҚ  Басқарма төрағасы Қуаныш Бишімов еншілес және тәуелді ұйымдар басшылығының қаржы-шаруашылық қызметі мен жалпы кәсіпорындардың  даму перспективалары туралы есебін тыңдады.

Кәсіпорын басшылары қазіргі жағдай, түйткілді мәселелер мен оларды шешудің жолдары жайлы баяндады.

Басқарма төрағасы еншілес ұйымдардың қызметіндегі оң өзгерістерге назар аударды. Әйтсе де ол технологиялық тұрғыдан қайта жарақтанудың, өндіріс қуаты мен эскпорттық әлеуетті арттырудың, инжинирингтік қызмет пен азаматтық өнімдерді дамытуың қажеттігін баса айтты.

Сондай-ақ Компания басшысы мемлекеттік қорғаныс тапсырысының мерзімдерін қатаң сақтауды, корпоративтік басқару мен стратегиялық жоспарлау бойынша жұмыстарды күшейтуді тапсырды. Жиналыс соңында бірқатар нақты тапсырмалар берілді.

Сол күні АО «Қазақстандық индустрия және экспорт орталығы» АҚ, «Қазақстан даму банкі» АҚ, «KAZAKH INVEST» ҰК» АҚ және «KazakhExport» АҚ басшыларының қатысуымен кездесу өтіп, онда қорғаныс өнеркәсібі саласындағы жаңа жобаларды мемлекеттік қолдау мәселелері талқыланды.

«Қазақстан инжиниринг» ҰК» АҚ  баспасөз қызметі