Осылайша, «Қазтехнологиялар» АҚ және «Steel Manufacturing» ЖШС «Қазақстан инжиниринг ҰК» АҚ құрамына енді.

«Қазтехнологиялар» АҚ өз қызметін басы артық оқ-дәрілерді, қару-жарақты, әскери техниканы және арнайы техниканы жою және өңдеу саласындағы қызметті жүзеге асырады.

Кәсіпорынның өндірістік учаскелері қазіргі заманғы қауіпсіздік талаптарына сай жабдықталған, сонымен қатар әртүрлі типтегі және калибрдегі оқ-дәрілерді (зымырандық және артиллериялық қару, инженерлік оқ-дәрілер) қайта өңдеуге мүмкіндік береді.

«Steel Manufacturing» ЖШС – заманауи, жоғары технологиялық кәсіпорын. Ол қазір «Қазақстандық патрон зауыты» жобасын жүзеге асыруда. Бұл жоба Қазақстанда атыс қарулары үшін оқ-дәрілер шығаратын жаңа өндіріс құруға бағытталған.

«Қазақстан инжиниринг ҰК» АҚ Директорлар Кеңесінің төрағасы, ҚР Индустрия және инфрақұрылымды дамыту вице-министрі Т.Жанжүменов оқ-дәрілерді сақтау мен жоюдың қауіпсіздігін қамтамасыз ету бойынша бірқатар міндеттер қойды, сонымен қатар осы жылдың екінші тоқсанында патрон шығару жобасын іске қосуды тапсырды.

«Қазақстан инжиниринг» ҰК» АҚ баспасөз қызметі