Install the application:
1) Open the website in Safari
2) Click save
3) Add to home screen
Phone +7(7172)72-52-52

Жаңалықтар

Нұр-Сұлтан қаласында оқушылар үшін қорғаныс кәсіпорындарына экскурсия өткізілді

"Қазақстан авиациялық индустриясы" ЖШС және "Kazakhstan Aselsan Engineering" ЖШС кәсіпорындарына экскурсия барысында №69 мектеп-гимназиясының оқушылары өндірістік үдерісті өз көздерімен көріп, қорғаныс өнеркәсібі мамандарына сұрақтар қойып, инженерлердің жұмысымен таныса алды.

"Қазақстандық авиациялық индустрия" ЖШС мамандары оқушыларға кәсіпорынның тарихы мен қызметі туралы айтып берді, СУ-25 әскери ұшақтарын күрделі жөндеу процесін, Ан-72 әскери-көлік ұшағын жөндеу жұмыстарын көрсетті, сондай-ақ Airbus C295 ұшағына техникалық қызмет көрсетудің (С-check) күрделі нысанының ерекшеліктерін түсіндірді. Экскурсия барысында Инженерлік-техникалық мамандықтардың маңыздылығы атап өтілді, өйткені екі жылдан кейін оқушыларға мамандық таңдау қажет болады. Қазіргі уақытта "ҚАИ" ЖШС - 200-ге жуық қызметкер еңбек ететін, әуе ұшу аппараттарын жөндеуге және оларға техникалық қызмет көрсетуге маманданған және Airbus C295M ұшақтарын регламенттелген жөндеуді табысты меңгерген Орталық Азия өңіріндегі жалғыз авиациялық өндірістік кәсіпорын.

Электр оптика, авионика, қару-жарақ жүйелері мен байланыс құралдарын өндіруге маманданған "Қазақстан Aselsan инжиниринг" ЖШС Қазақстан-Түрік зауыты да оқушылар үшін өз есігін ашты. Кәсіпорын тарихы мен оның қызмет түрлері туралы шағын презентациядан кейін оқушылар тепловизорлар мен түнгі көру құралдарын сынап көрді, инженерлерге сұрақтар қойып, линзалар мен электрондық платалардың қалай жасалатынын білді. Тұрақтандырылған қашықтықтан басқарылатын "САРП"жауынгерлік модулін көрсету үлкен қызығушылық тудырды.

Кәсіпорындарға экскурсияны инженерлік-техникалық мамандықтарды дәріптеу, машина жасау және қорғаныс-өнеркәсіп кешенімен таныстыру мақсатында "Аманат "партиясының көмегімен" Қазақстан Инжиниринг "ҰК" АҚ ұйымдастырды. Оқушыларға естелік сыйлықтар берілді.

Тізіміне оралу