Install the application:
1) Open the website in Safari
2) Click save
3) Add to home screen
Мәзір
Президенттің кадрлық резерві іс жүзінде

Президенттік жас кадрлар резервінің өкілі Нұрсұлтан Смаилов «Қазақстан инжиниринг» ҰК-ның Стратегиялық жоспарлау, активтерді басқару және инвестициялар департаменті директорының орынбасары қызметіне тағайындалды.

Еске сала кетейік, мұқият іріктеуден кейін 300 қазақстандық жас Президенттік кадрлық резервіне қабылданған болатын. Жеңімпаздардың орташа жасы 31 жасты құрайды. Сонымен қатар, олардың экономиканың әртүрлі салаларында айтарлықтай тәжірибелері бар.

Мемлекет басшысының тапсырмасымен Президенттің кадрлық резервіне енген кандидаттар мемлекеттік қызметтің әкімшілік және саяси лауазымдарына, квазимемлекеттік сектордың жетекші лауазымдарына тағайындалған кезде қарастырылады.

Н.Смаилов Павлодар мемлекеттік университетінің түлегі. Жергілікті атқарушы органдарда жұмыс тәжірибесі бар. «Павлодар облысының энергетика және тұрғын үй-коммуналдық шаруашылық басқармасы» мемлекеттік мекемесінде түрлі лауазымдарда жұмыс істеген.

2018-2019 жылдары Қазақстан Республикасы Индустрия және инфрақұрылымды дамыту министрлігі қорғаныс-өнеркәсіп кешенін дамыту Департаментінің бас сарапшысы, басқарма жетекшісі болып қызмет атқарды.

«Қазақстан инжиниринг» ҰК «АҚ баспасөз қызметі

Кері қайту