«Қазақстан инжиниринг» ҰК» АҚ қауіпсіздік нормаларын, оның ішінде әлеуметтік саладағы нормаларды мүлтіксіз ұстанады. Компания отбасылық-тұрмыстық зорлық-зомбылықты адамның қадір-қасиеті мен теңдігінің негізгі принциптерін бұзатын мүлдем жол бергісіз құбылыс деп санайды. Бұл мінез-құлықтың салдары бүкіл әлеуметтік ортаға теріс әсер етеді.

Осындай қылмыстардың алдын алуға байланысты：«Қазақстан инжиниринг» ҰК» АҚ қызметкерлері үшін құқықтық түсіндірме әңгіме өткізілді. Астана қ. ІІД қызметкерлері прокуратура қызметкерлерімен бірлесіп отбасылық және тұрмыстық зорлық-зомбылықтың сипаты, салдары мен алдын алу тәсілдері туралы айтып берді. Өз кезегінде қызметкерлер өздерін қызықтырған сұрақтарын қойып, пікірлерімен бөлісті.

2022 жылдың қыркүйегінде Мемлекет басшысы өз жолдауында тұрмыстық зорлық-зомбылық үшін жауапкершілікті қатаңдату жөнінде тапсырма берді. Енгізілген түзетулерге сәйкес, ҚР ІІМ заңнамаға өзгерістер әзірледі, олар өтініш берушіден осындай құқық бұзушылықтарды анықтап тіркеуге көшуді көздейтін болды.

Кез-келген зорлық-зомбылық адамның теңдігі мен құрметіне қайшы келетінін ескеріңіз. Қоғам қарым-қатынастағы қатыгездікке жол бермеуі керек және құрбандарды қолдауға, оларды қорғауға, мәселені шешуге көмектесуге және мұндай көріністерге төзбестігін баса көрсетуге міндетті.