«Қазақстан инжиниринг» ҰК» АҚ Директорлар кеңесінің 2024 жылғы 26 сәуірдегі шешімімен Компанияның еншілес ұйымдарына тағайындаулар өтті:

1) 2024 жылғы 29 сәуірден бастап «С. М. Киров атындағы машина жасау зауыты» АҚ Бас директоры лауазымына Дулат Жанкеұлы Күренбеков тағайындалды.

Д. Ж. Күренбеков 1979 жылы туған. Оның «Қазақстан инжиниринг» тобында және мемлекеттік қызметте үлкен басшылық жұмыс тәжірибесі бар. Бірқатар мемлекеттік наградалары мен көтермелері, соның ішінде «Құрметті машина жасаушы» құрмет белгісімен, «Құрмет» орденімен, «Ерен еңбегі үшін» медалімен марапатталған.

2) 2024 жылғы 02 мамырдан бастап «Петропавл ауыр машина жасау зауыты» АҚ Бас директоры болып Алмат Аманұлы Аманқабжан тағайындалды.

А. А. Аманқабжан 1979 жылы туған. Білімі құқық және қаржы саласында. Қазақстан Республикасының Президенті Әкімшілігін, Парламентін және Қаржы министрлігін қоса алғанда, әртүрлі мемлекеттік және жеке мекемелерде жұмыс тәжірибесі бар. «Kazakh construction group» ЖШС, «Біріккен химиялық компания» ЖШС және «KMG PetroChem» ЖШС сияқты бірқатар компанияларда түйінді позицияларды иеленді.