Қазақстан Республикасының Қорғаныс және аэроғарыш өнеркәсібі министрі Б.Атамқұлов Қырғызстан Республикасына жұмыс сапарымен барып, онда республиканың бірқатар министрліктері мен ведомстволарының басшыларымен кездесті.

Қырғызстанның Мемлекеттік қорғаныс комитетінің төрағасы Мирбек Қасымқұловпен болған кездесуде қорғаныс өнеркәсібі саласындағы өзара іс-қимыл, өзара тиімді ынтымақтастық орнату, сондай-ақ әскери өнімді өзара жеткізудің болашағы туралы мәселелер талқыланды.

Атап айтқанда, қазақстандық делегация әуе кемелеріне техникалық қызмет көрсету (тікұшақ жабдықтарын жөндеу) саласында ынтымақтастық орнатуды, сондай-ақ қырғыз тарапына Қазақстан Республикасының қорғаныс кәсіпорындарының Қырғызстанның күш құрылымдары үшін өнімдері мен қызметтерін ұсынды.

Қырғыз Республикасының Төтенше жағдайлар министрі Кубатбек Бороновпен болған әңгіме барысында Қырғыз Республикасы Төтенше жағдайлар министрлігінің қажеттілігі үшін қазақстандық «Еврокоптер Қазақстан Инжиниринг» ЖШС-нің көп функционалды тікұшақтарын жеткізу мүмкіндігі талқыланды.

Қазақстанның қорғаныс өнеркәсібі кәсіпорындары Қырғызстанға әскери өнімдерді, соның ішінде жеңіл өнеркәсіп өнімдерін жеткізе алады. Мәселен, «Таразкожобув» қазақстандық компаниясы Қырғыз Республикасы Төтенше жағдайлар министрлігінің жеке құрамына әскери аяқ киім жеткізуге мүмкіндігі бар.

Қазақстандық делегация қырғызстандық серіктестерге Қырғыз Республикасының төтенше жағдайлардың алдын алу және әрекет ету органдарының мүдделері үшін қазақстандық ғарыш жүйелерін бірлесіп пайдалану саласындағы ынтымақтастық туралы ұсыныс жасады. Ғарыш саласындағы ұсынылатын ынтымақтастық Жерді қашықтықтан зондтау саласында ақпарат пен тәжірибе алмасуды, сондай-ақ ғарыш қызметі саласындағы дайындықты қамтиды.
Қазақстандық спутниктер Орталық Азия бойынша байланыс және теледидарлық хабар тарату қызметтерін ұсынуға мүмкіндік береді, ал жерді қашықтықтан зондтау жерсеріктері геодезияда, картографияда, ауыл шаруашылығында кеңінен қолданылатын, сонымен қатар төтенше жағдайлардың алдын алу және жою (алдын алу, бақылау және салдарын бағалау) мақсатында ғарыштық суреттерді ұсынады. Төтенше жағдайлар, дала және орман өрттері мониторингі және т.б.).

Қырғызстан Қарулы Күштері Бас штабының бастығы Раймберди Дүйшенбиевпен кездесуде Қырғызстан мен Қазақстан арасындағы әскери-техникалық ынтымақтастық мәселелері талқыланды. Тараптар өзара қызығушылық тудыратын мәселелер бойынша ынтымақтастықтың оң динамикасын атап өтті және оны одан әрі нығайтуға ниет білдірді.

Анықтама: Қазақстанда ғарыштық байланыс және жерді қашықтықтан зондтау жүйесі сәтті жұмыс істейді, оның қызмет ету аймағында Қырғыз Республикасы бар.

Қазақстан Республикасы Қорғаныс және аэроғарыш өнеркәсібі министрлігі